PINATUNAYAN nina Grace Gella at Norel Nuevo ang kakayahan ng Pinay na makipagsabayan sa world stage matapos angkinin ang bronze medal sa kani-kanilang event sa katatapos na 2019 World Junior Bowling Championships sa Plaza Bowling Center sa France.

Tumapos si Gella sa ikaapat sa girls singles na nilahukan ng 47 players, tangan ang average score na 229 sa anim na laro. Nakatabla niya para sa bronze si Peppi Konstering Finland na may average 231.17.

Nanguna si Arianne Tay ng Singapore na may average score na 234.5 sa anim na laro, kasunod si Mila Nevalainen ng Finland (231.5).

Romualdez, pinasalamatan tennis player na si Alex Eala

“I felt happy and blessed kasi of all the people na nandun. Isa ako sa nakapasok sa medal round. Maraming players na mas magaling. That’s why I didn’t expect to win. Despite of the win, I know there are still things that I have to work on,” pahayag ni Gella sa Manila Bulletin Online.

Matikas na nakihamok si Nuevo sa Girls Masters bago naungusan ni Soree Hung ng South Korea, 1-2, sa semifinals. Naitala niya ang averaged 215.33 sa tatlong laro.

“I feel truly blessed with what I have achieved kasi it was my first World tournament. It still feels surreal talaga. This will not be possible without the aid of our Lord and the support I got from our team manager (Mr. Alex Lim), our coaches (Ms. Jojo Canare and Mr. Biboy Rivera), my teammates and my whole family. All the trainings and hard work paid off,” pahayag ni Nuevo.