3 sa NPA, arestado sa Iloilo

By Balita Online

March 17, 2019

In BALITA

Natimbog ang tatlong umano’y kaanib ng New People’s Army matapos makibakbakan sa militar ang grupo ng mga ito sa Igbaras, Iloilo, ngayong Linggo ng umaga.

Ito ang kinumpirma ni 61^st Infantry Battalion (IB) commander, Lt. Col. Sisenando Magbalot, Jr., ng Philippine Army (PA).

Ang tatlo, ayon kay Magbalot, ay kaanib ng Southern Front Committee na kumikilos sa Panay Island.

Nagpapatrulya, aniya, ang tropa ng pamahalaan sa Barangay Mulangan sa nabanggit na bayan, nang makasagupa ang grupo ng mga rebelde.

Sinabi ni Magbalot na hindi kaagad na nakatakas ang tatlong rebelde kaya nahuli ang mga ito.

Siyam na improvised explosive device (IED) ang nakumpiska sa pinangyarihan ng sagupaan.

-Tara Yap

Oil price hike, asahan ngayong Abril 29

Muling sisipa ang presyo ng produktong petrolyo sa Martes, Abril 29. Sa abiso ng ilang oil company kagaya ng SeaOil Philippines Corp. at Shell Pilipinas Corp. inaasahang papalo ang presyo ng gasolina ng ₱1.35, diesel (₱0.80), at kerosene (₱0.70).Gayundin ang ipapatupad ng Cleanfuel at Petro Gazz maliban sa kerosene.

2 nabubulok na bangkay, natagpuan sa Rizal

Natagpuan ang dalawang nabubulok na bangkay sa liblib na lugar sa Rizal noong Biyernes, Abril 25, 2025.Ibinahagi ng Barangay Silangan, San Mateo Rizal Public Information Office sa isang social media post noong Biyernes na natagpuan ng mga awtoridad ang dalawang bangkay.Natagpuan ang nabubulok na bangkay ng dalawang lalaki na may edad na 52 at 37 anyos sa liblib na bahagi ng Barangay Silangan, San...

LPA, nakapasok na ng PAR; nakaaapekto sa ilang bahagi ng Mindanao – PAGASA

Nakapasok na sa loob ng Philippine area of responsibility (PAR) ang low pressure area (LPA) na binabantayan ng Philippine Atmospheric, Geophysical and Astronomical Services Administration (PAGASA) nitong Lunes, Abril 28.Base sa ulat ng PAGASA dakong 5:00 ng umaga, inihayag ni Weather Specialist Daniel James Villamil na nakapasok ang LPA sa loob ng PAR dakong 3:00 ng madaling araw nitong...