SINABI ni Puwersa ng Bayaning Atleta (PBA) Party-list Rep. Mark Sambar na malaki ang tsansa na muling matamo ng Pilipinas ang pagiging lider sa larangan ng sports sa Southeast Asia matapos lagdaan ni Pangulong Duterte ang Republic Act 11214 o ang Philippine Sports Training Center Act.

Sa pamamagitan ng RA 11214, ang PSC ay paglalaanan ng P3.5 bilyon para sa pagtatayo ng sports facilities at amenities sa loob ng 18 buwan sa lokasyon na “suitable and conducive to high-level training of athletes, coaches and referees.”

Ayon kay Sambar isinulong niya at ni PBA partylist Rep. Jericho Nograles ang approval ng RA 11214 sapagkat ang Philippine sports ay patuloy sa pagdausdos sanhi ng kawalan ng sporting facilities na noon pang 70’s karamihan ay itinayo o kaya ay isinara dahil sa kalumaan.

Sinabi ni Sambar na ang paglagda ng Pangulo sa PSTC law “is a solid demonstration of his resolve to win the war against illegal drugs not just through effective law enforcement but also through the promotion of sports among the youth.”

Romualdez, pinasalamatan tennis player na si Alex Eala

“Sports is a very potent weapon against illegal drugs. Our youth are being targeted by these drug traffickers and this law will definitely provide the much needed boost to increase the interest of our young people to be more involved in sports instead of wasting their lives on illegal drugs,” ani Sambar.