KAHIT busy sa taping at focused sa karakter niyang si Brix sa Ika-5 Utos, binalikan ni Jeric Gonzales ang first love niya—ang music.

Jeric copy

May bagong pakulo si Jeric para sa fans niyang tutok sa social media. Sinimulan na niya ang kanyang official YouTube channel, kung saan niya itotodo ang pagmamahal niya sa musika, at magpo-post siya ng iba’t ibang song covers.

Nagagamit na ni Jeric ang pangarap niyang gitara na finally ay nabili na niya, kaya naman ganado ang Kapuso actor sa pagtugtog, na aminado siyang first love niya.

Events

Sharon kung bakit 'di dumadalo sa ABS-CBN Ball: 'I was always so fat!'

“Happy to finally have you, my dream guitar signature edition,” post ni Jeric, na kapag walang taping ay laging hawak ang gitara.

Samantala, magiging available na worldwide, simula ngayong Lunes, November 5, ang duet nina Jeric at Kyline Alcantara ng Christmas song na Handa Na Ba Kayo? May teaser na rin ang song, at ang mismong music video ng kanta ang hinihintay ngayon ng fans.

Matutuwa ang fans nina Kyline at Jeric, dahil kahit hindi sila napapanood na magkasama sa teleserye ay napakikinggan naman silang magka-duet, at sa Christmas song pa.

-Nitz Miralles