Itinanggi ni Trece Martires City, Cavite Mayor Melandres De Sagun na siya ang nasa likod ng pagpatay kay Vice Mayor Alex Lubigan

“At the outset, I deny in the strongest terms the complaint for murder and frustrated murder filed by the complainants before this Honorable Court,” nakasaad sa counter-affidavit na isinumite ng kanyang abogado sa Department of Justice (DoJ), kahapon.Dahil dito, hiniling ni De Sagun sa panel na ibasura ang reklamong inihain laban sa kanya “for utter lack of merit.”

Kasalukuyang nagsasagawa ng preliminary investigation ang DoJ panel of prosecutors, sa pamumuno ni Senior Assistant State Prosecutor Rassendell Rex Gingoyon, hinggil sa reklamo laban kay De Sagun at sa apat na iba pa.

Sa nasabing reklamo, inakusahan ang lima ng two counts of murder at one count of frustrated murder sa pagpatay kay Lubigan at sa driver nitong si Romulo Guillemer, at sa pagkakasugat sa security aide na si Romeo Edrinal.

National

'Unahan ko na kayo!' Jam Magno, kusang sumuko sa CIDG sa Butuan City

Kinilala ang iba pang respondents na sina Maragondon Councilor Lawrence “Umbe” Arca, Luis Abad, Jr., Ariel Paiton, at Rhonel Bersamina.

Sa kanyang counter-affidavit, pinabulaanan ni De Sagun ang testimonya ng saksing si Alex Paiton, kapatid ni Ariel Paiton.

“The only evidence presented against me is the statement of one Alex Paiton wherein accordingly, his brother Ariel Paiton told him I ordered the latter to do the deed,” pahayag ni De Sagun.

Iginiit din ni De Sagun na wala siyang motibo para patayin si Lubigan.

Aniya, kung may makikinabang sa pagkamatay ng bise alkalde ay iyong misis nito, si Gemma Lubigan, na kakandidatong alkalde ng Trece Martires.