3 dedo, 9 sugatan sa banggaan

October 25, 2018

IBA, Zambales - Tatlong katao ang nasawi, kabilang ang dalawang driver, habang siyam na iba pa ang nasugatan nang salpukin ng isang pampasaherong van ang isang jeep sa Barangay San Agustin, Iba, Zambales, nitong Miyerkules ng gabi.

Sa report kay Zambales Police Provincial Office (ZPPO) chief Senior Supt. Felix Verbo, binangga ng UV express van na minamaneho ni Emmanuel Villar, 43, ang Hummer jeep na minamaneho ni Joseph Elmark Demapayo, 26, sa national highway ng nasabing bayan, dakong 11:45 ng gabi.

Binabagtas ng van ang kalsada pahilaga nang masalpok nito ang kasalubong na jeep.

Dahil sa lakas ng pagkakabangga, naipit sa loob ng sasakyan si Villar habang si Demapayo at pasahero nitong si Aldrin De Guia, 32, ay parehong tumilapon mula sa sasakyan.

Isinugod naman sa President Ramon Magsaysay Memorial Hospital ang mga nasugatang sina Mark Joseph Mayo, 31; Annabel Morados, 31; Joymee Maranoc, 28; Jeffrey Edejer, 42; Christelle Quito, 24; Mark Ryan Achacoso, 23; Elaine Castro, 22; Oscar Mas; at Janine Gonzales, 25 anyos.

-Jonas Reyes

Mastermind sa pagpatay sa mag-asawang online seller, kumpare raw ng mga biktima

Arestado na ang umano'y mastermind sa pagpatay mag-asawang online seller sa Pampanga at lumalabas na kumpare pa siya 'di umano ng mga biktima. Matatandaang noong Oktubre 4 nang tambangan ng riding-in-tandem sa Mexico, Pampanga ang sasakyan ng mag-asawang sina Arvin at Lerma Lulu.Kasama nila ang anim na taong gulang nilang anak at isang kamag-anak nang mangyari ang insidente.Ayon sa...

Pag-imbestiga ng Senado sa drug war ni ex-Pres. Duterte, magandang ideya – Pimentel

Ipinahayag ni Senador Koko Pimentel na isang “magandang ideya” na imbestigahan din ng Senado ang madugong giyera kontra ng adminitrasyon ni dating Pangulong Rodrigo Duterte.Sa isang text message nitong Martes, Oktubre 15, na inulat ng Manila Bulletin, sinabi ni Pimentel na bagama’t “optional” lamang, isang magandang ideya umano kung magkakaroon ng parallel investigation ang Senado sa war...

Bilang ng mga pro-Marcos, tumaas; bumaba naman ang mga pro-Duterte – OCTA

Tumaas umano ang bilang ng mga Pilipinong itinuturing ang mga sarili bilang “pro-Marcos” habang bumaba naman ang mga Pinoy na “pro-Duterte,” ayon sa survey ng OCTA Research.Base sa Tugon ng Masa third quarter survey ng OCTA na inilabas nitong Lunes, Oktubre 14, 38% ng mga Pilipino ang sumusuporta sa administrasyon ni Pangulong Ferdinand “Bongbong” Marcos Jr. Mas mataas ito ng dalawang...