PINADAPA ng reigning girls titlist National University ang University of Santo Tomas, 20-25, 25-17, 25-15, 25-23 upang manatiling undefeated sa naganap na rematch ng last year’s Finals kahapon sa UAAP Season 81 high school volleyball tournament sa Blue Eagle Gym.

Nagposte ng 19 attack points si Faith Nisperos na sinundan ni Alyssa Solomon na may 13 puntos bukod pa sa 7 digs upang pamunuan ang Junior Lady Bullpups sa ika-4 na sunod nilang panalo.

Nanguna si Janna Torres para sa Junior Tigresses sa itinala nitong walong puntos kasunod sina Imee Hernandez at Regina Jurado na may tig-pitong puntos.

Bunga ng kabiguan, bumaba ang UST sa ikalawang puwesto taglay ang markang 3-1, kapantay ng De La Salle-Zobel, umangat matapos ang 25-15, 25-12, 25-14 panalo kontra UP Integrated School.

Angelica Yulo, proud na ibinida hakot awards na 'Golden Boy' anak na si Eldrew

Nanguna sa panalo ng Junior Lady Spikers si Gabrielle Webb na may 9 na puntos.

Sa isa pang laban, umiskor si Sheila Mae Kiseo ng 11 puntos at 10 digs nang payukurin ng Far Eastern University-Diliman ang University of the East, 25-16, 25-15, 26-24 para makasalo ng Adamson University sa ika-4 na puwesto hawak ang patas na markang 2-2.