Hindi na kakandidatong senador si dating Presidential Spokesperson Harry Roque gaya ng unang plano niya, at sa halip ay magbabalik siya bilang kinatawan ng party-list sa Kamara de Representantes.
Ito ang kinumpirma ni Roque sa huli niyang pagharap sa Malacañang press kahapon, sinabing pinili niyang kumandidato para maging kinatawan ng environmental na Luntian Party-list sa Kamara.
“I’d like to wish my successor Secretary Salvador Panelo all the very best and to all the members of the MPC (Malacañang Press Corps). This is a temporary 30. You will see me, Harry Roque, bounce back into public life. So again, thank you very much and may our paths cross again,” sabi ni Roque.
“I took his (Pangulong Duterte) advice that the best option right now is to go back to Congress which really was one of my options. Masikip talaga ang Senado,” dagdag niya.
2 roving pulis, patay sa tama ng kidlat
Kapag nanalo, sinabi ni Roque na isusulong niya ang adbokasiya ng Pangulo laban sa open-pit mining sa bansa.
Nilinaw din ni Roque na maayos silang naghiwalay ni Pangulong Duterte.
“I’ve always intended to file a COC for this year’s elections. The President knew it, I knew it,” aniya. “If there was a change in plan, well it was the offer to become press secretary which completely became unexpected and for which I am very much grateful and flattered.”
Kasabay nito, sa panayam ng komedyanteng si Vice Ganda ay inamin ni Roque na sumobra ang kontrobersiyal na paghalik ni Pangulong Duterte sa isang Pinay sa South Korea.
“Unang una ‘yung kissing, akala ko mamamatay ako nun,” ani Roque. “Feeling ko dun dapat tumakbo ako at hilahin siya, ‘halika dito, dito tayo Mr. President. Halika na’.”
-Argyll Cyrus B. Geducos
