Umano'y rocket debris, natagpuan sa baybayin ng Cagayan

Umano'y rocket debris, natagpuan sa baybayin ng Cagayan—PCG

Nakarekober ang Philippine Coast Guard (PCG) ng umano’y rocket debris sa baybayin ng Barangay Babuyan Claro, Calayan, Cagayan noong Huwebes, Agosto 6.

Ayon sa ulat ng PCG nitong Biyernes, Agosto 7, natanggap nila ang impormasyon kahapon dakong 12:30 ng tanghali matapos iulat ng isang concerned resident ang pinaniniwalaang bahagi ng isang rocket na natagpuan sa baybayin.

Batay naman sa pahayag ni PCG Spokesperson, Commodore Noemie Cayabyab, napag-alamang walang markang nagkukumpirma na rocket debris nga ang naturang bagay, matapos itong inspeksyunin ng PCG personnel.

“They secured the object in a safe location while awaiting further technical assessment by the appropriate authorities,” saad ni Cayabayab sa kaniyang pahayag.

“We also advise fisherfolk and coastal residents to avoid handling unidentified floating objects and to immediately report similar sightings to the nearest local authorities,” dagdag pa niya.

Anang PCG, patuloy ang kanilang pakikipag-ugnayan sa concerned government agencies upang malaman kung saan nga ba nanggaling at ano ang narekober na bagay sa baybayin ng nasabing lugar.

“The PCG continues to coordinate with concerned government agencies to determine the origin and nature of the recovered object, in support of maritime safety under President Ferdinand R Marcos Jr’s Bagong Pilipinas vision, the Intensified Community Assistance, Awareness, Response, and Enforcement (iCARE) campaign and the Organized National Engagement (ONE) at Sea strategic concept,” anang PCG.

Sa kaugnay na ulat, matatandaang kinumpirma ng Philippine Space Agency (PhilSA) sa isang advisory noong Miyerkules, Agosto 5, ang pag-launch ng Jielong-3 rocket ng People’s Republic of China.

“Expected debris from the rocket launch was projected to have fallen within the identified drop zone (DZ): approximately 94 NM away from Babuyan Island, and 143 NM away from Santa Ana, Cagayan. This drop zone is within the Philippine Exclusive Economic Zone (EEZ),” saad ng PhilSA sa kanilang abiso.

Gayunpaman, walang kumpirmasyon kung may koneksyon ba ito sa narekober na umano’y rocket debris sa lalawigan ng Cagayan.

MAKI-BALITA: China, nag-launch ng rocket; debris tinatayang bumagsak sa drop zones na nasa EEZ ng Pinas-Balita

'She doesn't have the liberty:' VP Sara, binirang maging 'professional' si Usec. Castro

Binanatan ni Vice President Sara Duterte na dapat daw maging propesyonal si Palace Press Officer at Presidential Communications Office (PCO) Usec. Claire Castro sa trabaho nito. Sa naging pahayag ni VP Sara sa panayam sa kaniya ng media sa San Pedro Cathedral, Davao City, noong Huwebes, Agosto 6, 2026, sinabi niyang spokesperson daw si Castro ng Office of the President at ni Pangulong Ferdinand...

DFA, iimbestigahan mga misteryosong kabaong sa Metro Manila

Mariing inihayag ng Department of Foreign Affairs (DFA) na hindi nila palalagpasin ang anumang uri ng pananakot o pambabanta laban sa sinuman kasunod ng pagkalat ng mga kabaong sa iba’t ibang bahagi ng Metro Manila. Batay sa inisyal na imbestigasyon ng National Capital Region Police (NCRPO) nitong Biyernes, Agosto 7 umabot na sa limang kabaong ang natagpuan nila sa Sta. Cruz, Manila; Brgy....

Mag-inang Rep. Leviste, Sen. Legarda lumipad palabas ng bansa!

Kinumpirma sa publiko ni National Bureau of Investigation (NBI) Director Atty. Melvin Matibag na nakalabas na raw ng bansa ang mag-inang sina Batangas 1st District Rep. Leandro Leviste at Sen. Loren Legarda papuntang Hong Kong, China. Matatandaang hindi dumalo si Leviste sa NBI noong Huwebes, Agosto 6, upang tumugon sa subpoena na inilabas ng ahensya kaugnay ng isinasagawang imbestigasyon sa...