NAKISALO ang San Beda College Alabang sa seven-time defending seniors champion Centro Escolar University sa pamumuno habang ang kanilang juniors squad ay katabla din ng 2-time titlist Chiang Kai Shek College pagkaraan ng dalawang linggong aksiyon sa 49th WNCAA basketball tournament.

Ginapi ng SBCA ang Assumption College, 73-39, habang pinasadsad naman ng CEU ang St. Scholastica’s College, 110-4, para sa kani-kanilang ikalawang panalo.

Sa Junior A, kapwa din may tig-dalawang panalo ang SBCA at CKSC matapos manaig kontra Poveda (38-33) at season host St. Paul College Pasig (105-40), ayon sa pagkakasunod.

Wala pa ring talo ang sister schools De La Salle Zobel at La Salle College Antipolo matapos ang dalawang laro sa Junior B.

Mikee Cojuangco-Jaworski, chair ng Coordination Commission ng Brisbane 2032

Sa midgets division, sinimulan ng defending champion Miriam ang kanilang kampanya sa pamamagitan ng 59-44 panalo kontra DLSZ.

Samantala sa volleyball na ginaganap sa Rizal Memorial Coliseum, nakamit ng 2-time defending seniors champion SBCA ang ikalawang sunod nilang panalo matapos talunin ang Assumption, 25-17, 20-25, 25-19, 25-21.

Pumatas naman sa kanila sa liderato ang Philippine Women’s University makaraang dominahin ang University of Asia & the Pacific, 25-18, 25-13, 25-7.