ANG Make-A-Wish Philippines ay isang charity organization na siyang nagsasakatuparan sa mga hiling ng mga batang may kritikal na sakit. Kahit sino ay maaaring magbigay ng donasyon at boluntaryong sumapi o tumulong sa organisayon.
Sa social media account ng Make-A-Wish PH, makikita ang larawan ni Marian Rivera, na isa pa lang volunteer at donor ng organisyon, kasama ang batang may sakit na leukemia.
Caption nito sa post, “When a wish kid meets the celebrity they look up to, it makes them feel hopeful and encourages them to live positively. Here is wish kid Ariane (9 with leukemia) wrapped in the warm hug of her favorite actress.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
“Thank you Ate Marian, for granting a wish for the fourth time and for sharing with us the transformational power of a wish!”
Marami namang netizen ang nagpasalamat kay Marian sa kanyang ginawa na makapagbigay ng sigla sa mga may karamdaman tulad ni Ariane.
Hindi lamang ang Make-A-Wish Philippines ang tinutulungan ni Marian dahil marami pa siyang ibang advocacies na patuloy niyang ginagampanan. Kaya naman bless na bless din siya at ipinagpapasalamat niya na nakatutulong siya sa mga nangangailangan.
-NORA V. CALDERON
