SINABI ni Hollywood actor Sylvester Stallone na 99 porsiyento siyang nakatitiyak na tatanggapin ni dating pound for pound king Floyd Mayweather Jr. ang hamon ni WBA welterweight champion Manny Pacquiao sa lalong madaling panahon.

“I think it’s about 99% certain it’s gonna happen,” sabi ni Stallone sa ekslusibong panayam ng TMZ Sports.

“They have every reason -- honor, money, history and you got nothing better to do for the weekend,” dagdag ng aktor na sumikat sa serye ng boxing film na “Rocky.”

Tinukoy ni Stallone ang kaagad na hamon ni Pacquiao na rematch kay Mayweather makaraang matamo ang WBA welterweight title sa 7th round knockout kay Argentine Lucas Matthysse noong nakaraang Hulyo 15 sa Kuala Lumpur, Malaysia.

6 koponan nagbabalak ligwakin ang PVL; lilipat daw sa bagong liga?

“Mayweather? If he decides to go back to boxing then that is the time we are going to call the shots,” pahayag ni Pacquiao sa post-match interview. “I have the belt, so it’s up to him. If he wants to come back in boxing let’s do a second one.”

Tinalo ni Mayweather si Pacquiao sa kontrobersiyal na 12-round unanimous decision sa Las Vegas, Nevada noong Mayo 2, 2015 sa world record na unification bout para sa WBC, WBA at WBO welterweight crowns.