ANGELES CITY , Pampanga – Arestado ang dalawang dayuhan at isang Pinay sa anti-illegal drugs operation dito, nitong linggo.
Kinilala ni Supt. Rommel Batangan, hepe ng Drug Enforcement Unit (DEU), ang mga suspek na sina Gary Timothy Lamb, Amerikano, retiradong US Navy, at kasalukuyang nakatira sa No. 357 Pinatubo Street, Clarkview, Barangay Malabanias, Angeles City; Wayne Michael Walsh, 58, Australian, retiradong engineer at residente ng No. 28 Big Tommy’s Hotel, Bgy. Balibago, Angeles City; at Mary Jane Mina, 30, ng Sta. Maria I St., Balibago, Angeles City. Ayon kay Batangan, inaresto ang mga suspek ng pinagsanib na puwersa ng RDEU3, Angeles City Drug Enforcement Unit (ACPO-DEU) at Angeles City Police Office-Station 4.
Nakumpiska mula sa suspek ang anim na pakete ng hinihinalang shabu; tatlong p a k e t e n g h i n i h i n a l a n g pinatuyong dahon ng marijuana; P500 marked money; at iba’t ibang drug paraphernalia.
Sasampahan ang mga suspek ng kasong paglabag sa RA 9165 (Comprehensive Dangerous Drugs Act of 2002).
