Ni Nora Calderon
NAISULAT namin ang pagluluto ng mag-asawang Ryan at Judy Ann Agoncillo para sa mga madre at pari sa Vatican City ng Filipino foods.
Pero hindi pala doon natapos ang pagluluto ng mag-asawa habang nagbabakasyon sa Italy para i-celebrate ang kanya-kanyang birthday at most specially, ang kanilang 9thwedding anniversary nitong April 28.
Chloe, matapang na niresbakan nagsabing niretoke ilong niya
Ipinost ng mag-asawa ang tinanggap nilang Certificate of Proficiency in Italian Cuisine mula sa Food & Wine Academy sa Florence, Italy. Nag-aral pala sila roon ng mga Italian cuisine.
Ang caption lang ni Juday: Achieved classmate! #gelato #pasta #bolognese #tiramisu
Magandang experience rin para sa mag-asawa ang pagiging Truffle Hunter at ang post ni Ryan: “@giuliothetrufflehunter thank you very much, such a wonderful experience.” Tuwang-tuwa si Juday sa mga nakuha nilang truffles na kinain nila agad.
Pabalik na ng Pilipinas sina Juday at Ryan ngayong araw at balik-trabaho sila agad sa kanya-kanyang projects, si Juday sa ABS-CBN at si Ryan sa GMA.
