Ni Leonel M. Abasola
Ang araw-araw na abiso sa mga subscriber hinggil sa kanilang load ang nakikita ni Senador Bam Aquino na tugon sa problema sa mga nawawalang load.
Kasabay nito, hinimok din ni Aquino ang National Telecommunications Commission (NTC) na pabilisin ang pagpapalabas ng mga alituntunin para maresolba ang problema sa “nakaw load”.
Sa pagdinig nitong Lunes, sinabi ng NTC na maglalabas ito ng memorandum circular para resolbahin ang “nakaw load”, kasama na ang mungkahi ni Aquino.
