TAMPOK ngayong tag-init, sa buong buwan ng Abril, ang Sin Island star na si Nathalie Hart sa numero unong music channel ng bansa bilang MYX Celebrity VJ.
Sasabak sa hosting ang kabigha-bighaning si Nathalie, at ipakikilala ang mga pinakasikat na international at local music videos sa mga manonood. Kaabang-abang din ang kanyang mga nakakaaliw na payo at opinyong ibabahagi tungkol sa pag-ibig.
Pangungunahan naman ni Yeng Constantino ang nakakabilib na live performances bilang MYX Headliner. Nagbabalik ang pop rock superstar matapos ang apat na taong pahinga mula sa recording sa pamamagitan ng pinakahihintay na album na Synesthesia mula sa Star Music.
Maris, namundok matapos maeskandalo kay Anthony
Patutunayan naman ng young singer na si John Roa ang kanyang galing sa pag-awit bilang solo artist. Unti-unting umaangat ang ex-“Tawag ng Tanghalan” contender matapos ang kanyang mga proyekto sa ilalim ng Filipino hip-hop group na Ex-Battalion.
Samantala, dadalhin ng MYX, kasama ang Cinema One, ang bonggang musika sa La Union sa “Music and Movies Under the Stars,” na magtatampok sa hit film na Love You to the Stars and Back at live performances ng acoustic duo na Leanne and Naara at indie-alternative rock band na Autotelic.
Dagdag rin sa kasiyahan ang mga MYX VJ na sina Robi Domingo, Turs Daza, Sharlene San Pedro, Ai Dela Cruz, Sunny Kim, at Inigo Pascual, kasama si John Lapus, bilang hosts ng event na magaganap sa Kahuna Beach Resort.
Abangan si Nathalie bilang MYX Celebrity VJ sa Pinoy MYX hanggang Abril 7, sa Pop MYX sa Abril 8 hanggang 14, sa Mellow MYX simula Abril 15 hanggang 21, at sa My MYX mula Abril 22 hanggang 28. Panoorin ang MYX sa SKYcable channel 23 at SKYdirect channel 37. Bisitahin ang www.myxph.com, i-like ang @MYX.Philippines sa Facebook, at sundan ito sa Instagram (@myxph) at Twitter (@MYXPhilippines) para sa karagdagang impormasyon.
