Ni Reggee Bonoan
KINA James Reid at Nadine Lustre pala unang inialok ni Direk Sigrid Andrea Bernardo ang Mrs. and Mrs. Cruz.
Negosasyon sa renewal ng It's Showtime sa GMA, pinoproseso na!
Hindi nalinaw ng aming source kung ang JaDine ang tumanggi sa project o ang Viva mismo na producer ng pelikula.
Tinawagan namin si Direk Sigrid kahapon tungkol dito.
“Yes, I pitched the Mr and Mrs. Cruz project to JaDine and we waited for less than a month at nalaman ko na hindi tinanggap. Parang may ibang plan yata sila,” kuwento ng direktora.
Hindi kaya nanghinayang si Nadine sa project nang manalo si Ryza ng Yakushi Pearl Award sa Osaka Film Festival?
“Well, iba-iba naman ‘yan, siguro baka may ibang gusto ang JaDine, I don’t know kung sino talaga ang tumanggi, pero since Viva rin naman nagsabing i-pitch ko ang project for JaDine ‘tapos hindi natuloy, eh, baka nga JaDine ang may ayaw,” sabi ni Direk Sigrid.
Walang pelikulang ginagawa si Direk Sigrid ngayon.
“Busy pa kasi ako ngayon sa pagsusulat, eh. Hindi pa ako tapos, so ‘yun,” aniya.
Napanood na ba niya ang Never Not Love You ng JaDine?
“Hindi pa nga, eh, papanoorin ko pa lang.”
Baka hindi type ng JaDine ang 2 hours movie na puro kuwentuhan lang.
