Ni Nitz Miralles
NADAGDAGAN ang kilig ng DenJen fans nina Dennis Trillo at Jennylyn Mercado sa nakitang picture ni Jennylyn kasama si Calix, ang anak nina Dennis at Carlene Aguilar. Tila kuha ang picture sa Jiu Jitsu class o exhibition ni Calix at si Jennylyn ang kasama nito.
Si Jennylyn siguro ang pinapunta ni Dennis dahil may trabaho siya o baka may ibang dahilan, pero hindi na importante ‘yun. Ang importante sa DenJen fans, may bonding din sina Jennylyn at Calix at hindi lang sina Dennis at Jazz na anak naman ni Jennylyn.
Ria Atayde, flinex paboritong bahagi ng araw niya
Matatandaang sa family event sa school ni Jazz, present pareho sina Dennis at Jennylyn.
Nagkikita na rin sina Calix at Jazz tuwing may occasion sa family ni Dennis o ni Jennylyn na laging present ang mga bata. Kuwento ni Dennis, maayos ang samahan ng dalawang bata na ikinatutuwa nila ni Jennylyn.
Samantala, this Thursday na ang alis ng magkasintahan para sa Sikat Ka Kapuso show sa New Jersey (Apr. 7) at Toronto (Apr. 8). Kasabay nilang aalis sina Lovi Poe, Betong Sumaya at Alden Richards. Hindi kami sigurado kung makakasabay din nilang aalis si Dingdong Dantes dahil baka dumiretso na ito sa New Jersey from their European vacation with Marian Rivera and Zia.
Bago umalis , nag-taping muna sina Dennis at Lovi ng The One That Got Away para hindi sila ma-miss ng viewers ng rom-com series. Paganda nang paganda pa naman ang takbo ng kuwento at dagdag na panggulo sa isip ni Liam (Dennis) si George (Solenn Heussaff).
