Ni Rommel P. Tabbad
Walang namumuong bagyo o low pressure area (LPA) sa labas at loob ng Philippine area of responsibility (PAR) sa kabila ng pag-ulan sa Metro Manila nitong nakalipas na dalawang araw, sinabi ng Philippine Atmospheric, Geophysical and Astronomical Services Asministration (PAGASA).
Ipinaliwanag ni PAGASA weather specialist Samuel Duran na ang naranasang pag-ulan ay bunsod ng tinatawag na localized thunderstorms.
Normal lamang aniya ang nasabing pag-ulan, na pinalala ng easterlies na nagdudulot ng maalinsangang panahon, hindi lamang sa Metro Manila, kundi pati na rin sa iba’t ibang bahagi ng bansa.
Rufa Mae Quinto, ginunita unang b-day na biyuda siya
Bukod sa National Capital Region (NCR), nakaranas din ng pag-ulan ang ilang bahagi ng Bulacan, Southern Luzon, Visayas at Mindanao.
