Walang inirerekomendang piyansa ang Office of the Ombudsman para kay Senador Jinggoy Estrada sa paghain ng plunder and graft charges sa Sandiganbayan laban sa huli na may kaugnayan sa flood control scam.
Bukod kay Estrada, kasama rin sa kakasuhan si dating DPWH Secretary Manuel Bonoan at iba pang DPWH engineering officials na sina Asst. Engineer Denryl Caesar Cortuna, Engineer Manny Bulusan, at Engineer Arturo Gonzales, Jr.
"The cases stemmed from an intricate mechanism involving illegal budgetary insertions and project allocations within the DPWH infrastructure portfolio for fiscal year 2025," pagdedetalye ni Assistant Ombudsman Mico Clavano sa isang press conference nitong Huwebes, Mayo 28, kasunod ng rekomendasyon ng National Bureau of Investigation at Department of Justice.
Dagdag pa ni Clavano, umaabot sa ₱573 milyong kickback ang ipinadala kay Estrada.
"Our evaluations shows that substantial public funds were deliberately followed into designated infrastructure projects in exchange for pre-determined commission fees or kickbacks. Case records point to an accumulated sum of elicit payout amounting to an aggregate sum of over ₱573 million which was systematically delivered to the principal respondent Sen. Jinggoy Estrada," anang assistant Ombudsman.
Sen. Robin kay Sen. Bato: 'Hayaan natin siyang magtrabaho sa pamamagitan ng online!'
Samantala, walang inirerekomendang piyansa para kay Estrada at sa iba pang nabanggit na opisyal. Magtatakda rin ang Ombudsman na hold departure order sa mga nabanggit.
Matatandaang na-acquit sa kasong plunder si Estrada noong 2024, na may kaugnayan naman sa pork barrel scam.
