mula sa TheWrap
PINAGSASAKSAK ang pamangkin ni Elizabeth Hurley na si Miles Hurley, 21, sa London nitong Huwebes ng gabi.
Ang anak ng kapatid ng model at aktres ay iniulat na dinumog sa kalsada ng mga hindi nakilalang suspek bandang 8:00 ng gabi, ayon sa People.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Kinumpirma ito ng Metropolitan Police na rumesponde sa “stabbing attack” ngunit hindi ibinunyag kung ang mga pangalan ng biktima. Ayon sa mga pulis, nadiskubre nilang tadtad ng saksak sa likod ang 21 taong gulang, at isa pang lalaki ang nasaksak.
Parehaong isinugod sa ospital ang dalawa “where their conditions are described as not life-threatening or life-changing,” lahad ng pulisya sa People.
Anang opisyal, ang mga biktima ay sinugod ng “group of males who got out of a vehicle and assaulted them before fleeing the scene.”
Nitong Sabado, kinumpirma ni Hurley sa pamamagitan ng Twitter ang pananaksak, at sinabing “brutal” ang pag-atake.
“My 21 year old nephew was repeatedly stabbed in a brutal attack in London on Thursday night,” tweet ni Hurley.
“The police & hospital are being fantastic. Thank you for all your messages. It is an appalling time for him & our family. The police will be appealing for witnesses.”
Namataang si Hurley na dumating sa Heathrow airport nitong Biyernes ng umaga. Hindi agad nagbigay ng komento ang tagapagsalita ng aktres nang kontakin ng TheWrap.
Iniulat na malapit sa isa’t isa si Hurley at ang kanyang pamangkin, na modelo ng Roberto Carvalli at Dolce & Gabbana.
“I’m really close to my aunt and she’s very supportive of everything I do,” lahad ni Miles sa British Telegraph noong 2013. “The best advice she has given me is just to enjoy myself, work hard and be nice to everybody.”
Patuloy ang imbestigasyon sa insidente ng pananaksak, ayon sa People. Ang The Sun ang unang nag-ulat tungkol sa pangyayari.
