PINATUNAYAN ni Davao City pride Fide Master (FM) Austin Jacob Literatus ang kanyang posisyun bilang isa sa top blitz chess player sa bansa matapos magkampeon sa Samways2riches blitz chess tournament nitong Biyernes sa St. Joseph Subdivision, Cainta, Rizal.
Ang top player ng multi-titled National University (NU) chess team na nasa gaby nina sportsman Samson Go at United States Chess Federation (USCF) master NU head coach Jose “Jojo” Aquino ay nakakolekta ng 8.5 puntos mula sa walong panalo, isang tabla at isang pagkatalo tungo sa pagkopo ng titulo ng ten-round tournament.
Inorganisa ang torneo nina Engr. Benjamin “Benjie” Esquejo sa pakikipagtulungan nina SMDC Sales Director Samivin V. de Los Santos, well known chess coach/trainer; Primma Sassy Belle Corporation regional sales coordinator Rosulo Vigilia Cabusora Jr., J-Store, Mayor Dental Clinic, The Chess Library, Arturo Turbanada, 1996 Philippine Junior champion National Master Roberto Suelo Jr., Jaime Tiburcio, Olympian member Woman National Master Cristina Santos, Dra. Jenica Anna Marie Josue at OFW engineer Joseph Galindo.
Si Lawrence Magura, isa pang NU bet, ang runner-up na may 8.0 puntos habang nag tersera naman si San Beda ace Prince Mark Aquino na may 7.0 puntos.
'Pikon daw?' UAAP fan na nag-dirty finger, agaw-eksena sa San Juan Arena!
Nagpakitang gilas din si Rey Lapid Chicharon and Barbecue chess team top player Genghis Katipunan Imperial at Adamson University Jerome Villanueva na magkasalo sa 4th hanggang 5th spots na may tig 6.0 puntos.
Ang iba pang notable players na sumali sa nasabing blitz chessfest ay kinabibilangan nina Makati Hope Christian school head chess coach Marguel Soria, NU player Neil Conrad Pondoc, Adamson University player Alji Bollozos Cantonjos, chess expert Jason Rojo, USCF chess master head coach Jose “Jojo” Aquino at engineer Benjamin “Benjie” Esquejo.
