PUJ vs SUV, 18 sugatan

By Balita Online

December 11, 2017

In BALITA

Ni MARY ANN SANTIAGO

Labing-walong katao ang sugatan, binubuo ng tatlong driver at 15 pasahero, nang magsalpukan ang isang sports utility vehicle (SUV) at isang passenger utility jeepney (PUJ) at nadamay din ang isang motorsiklo sa Barangay Sta. Cruz, Antipolo City, nitong Sabado ng hapon.

Pawang isinugod sa Amang Rodriguez Memorial Medical Center ang 18 biktima upang malapatan ng lunas.

Sa inisyal na ulat ng Antipolo City Police Station, naganap ang aksidente sa Marcos Highway, Sitio Kakalog, sa Bgy Sta. Cruz, bandang 2:50 ng hapon.

Sakay sa kanyang SUV na pulang Ford Eco Sport (IP-1333), binabaybay ni Elpidio Sanuco ang lugar nang biglang mag-counterflow ang isang pampasaherong jeep (DGR-384), na minamaneho ni Arnold Reagan Figura, at nagkasalpukan.

Sa lakas ng pagkakasalpok ay nayupi ang dalawang sasakyan at sugatan ang dalawang driver, gayundin ang 15 pasahero ni Figura na pawang hindi nakuha ang mga pangalan.

Nadamay din sa aksidente si Aris Ramiro na sakay sa kanyang Hondo XRM na motorsiklo (7260-NB), kasabay ng SUV na bumibiyahe rin patungong Cogeo.

Agad rumesponde ang ilang saksi at mga rescue units upang isugod sa ospital ang mga biktima.

TINGNAN: Listahan ng mga nag-file sa pagkasenador at party-list sa huling araw

Narito ang listahan ng senatorial candidates at party-list groups na naghain ng kanilang certificate of candidacy (COC) at certificate of nomination and acceptance (CONA) ngayong huling araw ng paghahain nito, Martes, Oktubre 8.Ang listahang ito ay mula sa Commission on Elections (Comelec):SENATORIAL CANDIDATES:1. Advincula, Peter Joemel De Leon2. Ramos, Princess Jade Chua3. Aceron, Jovilyn...

Vic Rodriguez, pamumunuan ang 'tunay na oposisyon' sa senado

Opisyal nang naghain ng kaniyang kandidatura sa pagkasenador si dating executive secretary Atty. Vic Rodriguez ngayong Martes, Oktubre 8, sa The Manila Hotel Tent City.Sa pagharap ni Rodriguez sa media, sinabi niyang tumugon umano siya sa pakiusap ng Overseas Filipino Workers (OFW) at sa hamon ng Hakbang ng Maisug na pamunuan ang oposisyon.“Sa gitna ng tila nakakabinging katahimikan at...

Vendor, kakandidatong senador; nanawagan ng tulong para sa anak na may rare disease

Emosyunal ang street food vendor na si Nelson Ancajas nang maghain siya ng certificate of candidacy (COC) sa pagkasenador sa darating na 2025 midterm elections.Sa kaniyang pananalita sa harap ng media, inilatag ni Nelson ang platporma niya kung bakit hinangad niyang tumakbo para sa nasabing posisyon.“Alam n’yo kung bakit ako nandito? Kasi para ipakita sa Pilipinas, kay Mr. President, kay DOH...