Ni Nitz Miralles
NI-LIKE ni Gabbi Garcia ang news item na ipinagpalit daw siya ni Ruru Madrid sa beauty queen na si Cynthia Thomalla, ang 2017 Miss Eco Philippines.
Hindi natin alam kung ang ibig bang sabihin ng pag-like na ‘yun ni Gabbi ay naniniwala siya sa balita. Sabagay, she can ask Ruru naman anytime na gusto niyang malaman ang totoo.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Katunayan, nali-link din naman si Gabbi kay Khalil Ramos. Umingay ang pagkaka-link ng dalawa simula nang maging direktor si Khalil ng music video ni Gabbi sa single niyang All I Need na composition at self-produced mismo ng huli.
Ang pagkakaalam namin, twice nang nakita sa labas sina Ruru at Cynthia, hindi pa kasama roon ang times na nag-date sila na hindi natin alam. Nang unang lumabas ang dalawa, nanood daw ng sine at nitong huli, nakita silang magkasama sa birthday party ni Andrew de Real.
Naalala namin, nang ma-interview si Cynthia nang pumirma ng movie contract sa Regal Entertainment, wala raw siyang boyfriend at wala pa siyang planong magka-boyfriend. Dahil siguro nasa “dating stage” pa lang sila ni Ruru.
Anyway, nabasa namin ang reaction ng isang GabRu fans sa isyu nina Ruru at Cynthia na nagsabing susuportahan pa rin sina Ruru at Gabbi, pero babawiin daw nila si Ruru kay Cynthia. Ipinarating din nila kay Cynthia na hindi sila bashers kundi pinuprotektahan lang ang GabRu fandom.
Samantala, kahapon ini-release ng GMA Records ang single ni Gabbi na ‘pag siguro maganda ang resulta, magiging album. Wala pang balita kung kailan ang airing ng music video na most probably, sa MYX.
Si Ruru naman ay tuloy pa rin ang labas sa Alyas Robin Hood bilang si Yoyo Boy. Tuwang-tuwa tiyak ito dahil nasunod ang kagustuhang magkaroon ng mga eksena kasama ang bigtime crush niyang si Solenn Heussaff.
