TUMATAG ang kampanya ng National University para sa ikaapat na sunod na kampeonato nang gapiin ang University of the Philippines, 3-1, sa UAAP Season 80 men’s badminton tournament.

Naitala ng Bulldogs ang ika-34 sunod na panalo mula noong 2014 at target na mapantayan ang Fighting Maroons na may pinakamaraming titulo sa sports sa lima.

Nakatakda ang Game Two ngayon ganap na 8:00 ng umaga sa Rizal Memorial Badminton Hall.

'Pikon daw?' UAAP fan na nag-dirty finger, agaw-eksena sa San Juan Arena!

Ginapi ni JM Bernardo si Mike Minuluan 21-16, 21-16, sa opening singles para ipantay ang serye sa 1-1 matapos magwagi si Alvin Morada kay Vinci Manuel, 21-12, 21-16, sa second singles.

Nakuha ng Bulldogs ang bentahe nang mangibabaw ang tambalan nina Morada at Alem Palmares kontra CK Clemente at JM Bernardo, 16-21, 21-16, 21-12, sa first doubles.

Namayani sina Christian Cuyno at Mike Minuluan kontra Betong Pineda at Paul Gonzales, 21-15, 21-19, sa second doubles.