Call center agent kinaladkad ng snatcher

By Balita Online

October 10, 2017

In BALITA

Ni: Bella Gamotea

Sugatan ang isang call center agent makaraang kaladkarin ng riding-in-tandem na humablot sa kanyang bag sa Pasay City, nitong Lunes ng gabi.

Nanlulumong nagtungo sa tanggapan ng Pasay City Police ang biktimang nagpatago sa pangalang “Abby”, 26, ng Pasay City, na nagtamo ng sugat at galos sa kanang braso at kaliwang tuhod.

Sa salaysay ni Abby sa pulisya, papasok na siya sa trabaho at naghihintay ng taxi sa Buendia Avenue nang dumaan sa kanyang harapan ang dalawang hindi pa nakikilalang lalaki na walang suot na helmet at sakay sa motorsiklong hindi naplakahan, dakong 9:00 ng gabi.

Mabilis na hinablot ng isa sa mga suspek ang bag na nakahigpit sa kamay ng dalaga dahilan upang makaladkad ang biktima ng ilang metro at sumemplang ang mga salarin.

Agad na tumayo ang mga suspek at tumakas sa hindi batid na direksiyon sa pagkabigong matangay ang bag ng dalaga na naglalaman ng cell phone, P16,000 cash at ilang personal na gamit.

Walang closed-circuit television (CCTV) camera sa lugar kaya hirap ang awtoridad na matukoy ang pagkakakilanlan ng mga suspek.

Mayoral bet, pumalag sa isyu ng driver niyang dinakip dahil sa 'food packs'

Nagpaliwanag ang natalong mayoral candidate ng City of San Jose Del Monte, Bulacan na si Atty. Earl Tan hinggil sa isyu ng 62-anyos na driver niyang dinakip ng mga pulis ng San Jose Del Monte City Police Station matapos umanong maaktuhang namimigay ng food packs sa mga botante sa araw mismo ng eleksyon noong Lunes, Mayo 12, 2025, na isa umanong akto ng 'vote-buying.'Ayon sa ulat ng...

Pagkukumpuni sa San Juanico Bridge, posibleng pumalo ng ₱500M—OCD

Inihayag ng Office of the Civil Defense (OCD) na tinatayang aabot umano ng milyong halaga ang pagkukumpuni sa isa sa mga pinakamahabang tulay sa bansa—ang San Juanico Bridge.Sa panayam ng Super Radyo dzBB kay OCD administrator Undersecretary Ariel Nepomucena, posible raw na umabot ng ₱300 hanggang ₱500M ang kakailanganin upang makumpuni ang naturang tulay. “Very rough estimate po ito,...

Giit ni HS Romualdez sa bentahan ng ₱20 na bigas: 'The beginning of a national transformation!'

Nagpahayag ng pagsuporta si House Speaker Martin Romualdez sa muling pagsisimula ng bentahan ng ₱20 na bigas sa ilang Kadiwa market sa bansa.Sa kaniyang pahayag nitong Linggo, Mayo 18, 2025, iginiit ni Romualdez na ito na raw ang simula ng pagbabago.“This is not a one-time rollout. This is the beginning of a national transformation. President Marcos is showing us that with political will and...