Ni NORA CALDERON
MASAYANG-MASAYA si Ms. Helen Gamboa sa pagbabalik sa pagganap at nang muling makapiling ng kanyang mga kaibigan sa press way back pa. Kaya naman halos hindi makaupo ang magandang actress-singer dahil sunud-sunod ang paglapit ng friends na entertainment writers sa grand presscon ng bago niyang teleseryeng Super Ma’am na pinagbibidahan ni Marian Rivera.
Matagal na ring hindi umaarte si Helen. May offer sa kanya ang GMA Network noon pa pero hindi niya natanggap dahil nagkaroon siya ng slip disc kaya kinailangan niyang mag-therapy. Aniya, through prayers at sa tuluy-tuloy niyang pagpapa-therapy, nagkaroon muna siya ng cooking show sa ibang network. At ngayon, after seven months, balik-acting na siya bilang si Lolita Honorio, lola ni Minerva (Marian).
Kumusta ang first day niya sa taping?
Maris, namundok matapos maeskandalo kay Anthony
“Masaya, kasi iyong iba naman nakasama ko na rin, maliban doon sa mga new stars. Pero masaya kami sa set, para kaming isang pamilya. Siyempre, masaya ako na nakasama ko si Marian dahil inaanak ko sila ni Dingdong (Dantes) sa kasal. Then si Direk LA Madrilejos, nakasama ko na siya noon sa isang project as a production assistant, at happy ako na director na siya ngayon. Noon pa ay mahusay na siya talaga.”
Nagulat at natawa kalaunan si Helen nang biruin namin na pinahirapan pala niya ang production. Nang tanungin kasi namin si Direk LA kung hindi nahirapang mag-taping si Helen, sagot nito, sila raw ang pinahirapan ng aktres dahil lagi itong may dalang pagkain sa set tuwing may taping ito at talaga namang nahirapan silang tanggihan dahil pawang masasarap ang dala-dala nito.
Ayon pa kay Direk LA, hindi pa rin kumukupas ang mahusay na acting ni Helen.
Kuwento ni Helen, siya ay isang Tamaho na ipamamana ang kanyang kakayahan sa apong si Minerva. Siya ang magiging guide ni Minerva para magampanan ang pagiging teacher at pagiging Super Ma’am nito para makatulong sa mga nangangailangan at maipakita sa kanyang mga estudyante ang mga mali nila na dapat nilang ituwid.
Sa Monday na mapapanood ang Super Ma’am sa primetime block ng GMA-7. Kasama nina Helen at Marian sa serye sina Matthias Rhoads, Jerald Ramos, Jackielou Blanco, Joyce Ching, Kristoffer Martin, Andrew Gan, Isabelle de Leon, Ashley Rivera at marami pang iba. May special participation si Ms. Carmina Villarroel, Ms. Dina Bonnevie as the mother of Minerva at may special role si Ms. Ai Ai delas Alas.
