MABILIS na sumagot ang 42-year-old star na si David Beckham sa isang Instagram user na nagsabing nagpa-botox siya kaya mukhang bata pa rin sa fashion show ng asawang si Victoria Beckham.
Nagbahagi ang British Vogue ng litrato sa Instragram account katabi ng Editor-in-Chief na si Edward Enninful si Beckham at anak nitong si Brooklyn, 18, sa Victoria’s Spring 2018 fashion show nitong nakaraang Linggo sa New York City. Hindi napigilan ng follower na si @stasdoeshair na magkomento sa litrato at sinabing, “Botox looks good on David!”
Kung itinanggi ni David ang pagpapa-botox, naging bukas naman ang kanyang asawang si Victoria sa pag-aming sumailaim siya sa plastic surgery.
Hello, Love, Again, kumita ng ₱85M sa unang araw!
Matatandaang sumulat ng liham si Victoria para sa kanyang 18-year-old self sa British Vogue, at inaming nagsisisi siya na sumailalim siya sa breast augmentation surgery.
“I should probably say, don’t mess with your boobs,” aniya sa naturang liham para sa kanyang sarili. “All those years I denied it — stupid. A sign of insecurity. Just celebrate what you’ve got.”
Ibinahagi rin niyang ang sekreto sa matagumpay na kasal ay “preserve a bit of mystique.”
“Never let yourself go completely (at least brush your hair, clean your teeth, have a bit of a brow going on because you will always want him to look at you and feel attracted).”
At nang ang tagurian ang kanyang asawa bilang Sexiest Man Alive ng People noong 2015, kinikilig naman niyang inilarawan ang kanyang asawa.
“He does look after himself, he’s got a great body, dresses really well, and has got a great smile,” saad ni Victoria sa People, at sinabing, “He’s got fantastic abs.”
Gayunman, sinabi ni Posh na pinaka-proud siya kay David bilang isang ama.
“He’s a really great dad,” aniya. “I think it’s very attractive in a man when they have strong family values, good morals, a great work ethic.” - People
