CARACAS/SAN CRISTOBAL (Reuters) - Niyanig ng madudugong protesta ang Venezuela nitong Linggo sa pagboykot ng maraming botante sa eleksiyon para sa constitutional super-body na ipinangako ni President Nicolas Maduro na magpapasimula ng “new era of combat” sa nasyon na nalulugmok sa krisis.
Nakasuot ng hood at maskara, binarikadahan ng anti-Maduro activists ang mga kalsada, nagkipagtuos sa security forces na kaagad kumilos para buwagin ang mga demonstrador na kinondena ang halalan sa tahasang pang-aagaw ng pangulo sa kapangyarihan.
Sinabi ng mga awtoridad na 10 katao ang namatay sa mga sagupaan nitong Linggo, ang pinakamadugong araw simula nang sumiklab ang malawakang protesta noong Abril.
Internasyonal
