Talak ni Sen. Robin sa prosekusyon, defense: 'Tayo ay nakaangkla sa hustisya!'-Balita

Talak ni Sen. Robin sa prosekusyon, defense: 'Tayo ay nakaangkla sa hustisya!'

By Vincent Gutierrez

July 26, 2026

In BALITA

Tumugon si Sen. Robin Padilla hinggil sa mga umano’y kritisismong natatanggap niya matapos niyang idiing hindi dapat “one-sided” ang prosekusyon.

Matandaang binitawan ng mambabatas ang nasabing pahayag sa ikasiyam na araw ng impeachment trial ni Vice President Sara Duterte noong Miyerkules, Hulyo 22.

“Sana hindi one-sided ang ating prosecution,” saad ni Sen. Robin.

MAKI-BALITA: Banat ni Senator-Judge Robin: 'Sana hindi one-sided ang ating prosekusyon!'-Balita

Sa pakikipanayam naman ng senador sa Super Radyo DZBB nitong Linggo, Hulyo 26, iginiit niyang hustisya raw ang dapat na ginagawa ng prosekusyon, ng hukom, at maging ng depensa.

“No no no no, that is wrong, mali ‘yon! Mali ‘yon, mali ‘yon kasi hindi ganoon isinulat ang ating batas, hindi ganoon isinulat ang ating hustisya,” saad ni Sen. Robin.

Aniya, “Ang hustisya ay malinaw: ang sinasabi diyan, hindi porke prosekusyon kayo, dapat puro conviction. No! Dapat ang ginagawa nila ay justice—ganoon din ang defense. Dapat, hindi puro pagtatanggol sa inyong kliyente. Dapat ang ibigay ninyo ay hustisya.”

“Ganoon din ang judge, dapat hustisya. Tayo ay nakaangkla sa hustisya. Siguro ‘yong mga abogado na nagsasabi niyan ay ginawa na nilang medalya ‘yong conviction—which is very wrong. Mali ‘yon,” dagdag pa niya.

Diin ng mambabatas, nanggaling na siya sa piitan, at nakita na raw niya ang mga umano’y maling gawi ng prosekusyon.

“Kahit pag-aralan nila mismo, bumalik sila. Ako, hindi ako abogado, pero ako galing ako sa kulungan. Nakita ko ang mga maling ginawa ng mga prosecutor…napakaraming nakakulong sa bilibid na walang kasalanan,” anang mambabatas.

Aniya, “Ang pagkukulang lang nila, idiniin sila ng mga piskal. Hindi ganiyan ginawa ang batas, hindi ganiyan ginawa ang hustisya. Hindi ka nilagay diyan para idiin ang tao—nilagay ka diyan para magbigay ng hustisya.”

“Wala akong kuwestiyon sa papel nila, pero babalik tayo doon sa ikaw ay itinalaga diyan hindi para sa conviction, itinalaga ka diyan para sa justice. Ipasok lang nila ‘yong pinag-aralan nila at kanilang sinumpaan, ‘yon lang ‘yon,” giit pa ni Sen. Robin.

Matatandaang hindi nakalampas at binuweltahan ng prosekusyon ang naging pahayag ng senador.

KAUGNAY NA BALITA: Atty. Kapunan sa birada ni Sen. Robin na one-sided ang prosecution: 'Quote for the day!'-Balita

KAUGNAY NA BALITA: 'You can't help it!' Atty. Ligutan, aminadong isa sa mga sinita ni Sen. Padilla-Balita

Sen Alan, tinalakang 'ang ingay, dakdak nang dakdak' sa FB live niya

Tila winelcome lamang ni Sen. Alan Peter Cayetano ang isang netizen na nagsabing 'ang ingay' at 'dakdak siya nang dakdak' sa isinagawang Facebook Live nitong Linggo, Hulyo 26. Nakangiting binasa ng senador ang komento sa kaniya ng nabanggit na basher na tila hindi nagustuhan ang kaniyang mga sinasabi sa live. 'Ang ingay! Maingay diyan, maingay dito... dakdak ka nang...

Number coding, hindi suspendido sa SONA—MMDA

Mananatiling epektibo ang unified vehicular volume reduction program o number coding scheme sa Metro Manila sa araw ng ikalimang State of the Nation Address (SONA) ni Pangulong Ferdinand “Bongbong” Marcos Jr. sa Lunes, Hulyo 27. Nilinaw ito ng Metropolitan Manila Development Authority (MMDA), na nagsabing walang inilabas na anunsyo para suspendihin ang naturang polisiya. “Wala pong...

Mayor Leni, ibinidang 'recipient' ang Naga sa mga nagawa ng PBBM admin

Ipinagmalaki ni dating Vice President at ngayon ay Naga City Mayor Leni Robredo ang maraming nagawa ng administrasyon ni Pangulong Ferdinand 'Bongbong' Marcos, Jr. pagdating sa mga lokal na pamahalaan, nang makapanayam siya tungkol sa inaaabangang ikalimang State of the Nation Address (SONA) ng Pangulo sa Lunes, Hulyo 27. Sa ibinahagi ng isang Naga City-based journalist na si Bong...