Ni: Nitz Miralles
PANALO ang transformation ni Derrick Monasterio sa Mulawin vs Ravena na umere nitong Lunes. Tama ang description sa amin na nagkuwento na “glorious transformation” ang naganap dahil ang ganda ng eksena mula nang unti-unting lumabas ang pakpak sa likod ni Almiro hanggang sa maging full blown wings na nga.
Kakaiba rin ang dating ng dialogue ni Derrick na, “Ako si Almiro at ako ay isang Mulawin” na sinundan ng kanyang paglipad.
Ang ganda ng ginawa ni Direk Dominic Zapata sa eksenang ‘yun.
'Sarap sa pakiramdam!' Kiray mahal na mahal, never niloko ng jowa
Lalo pang gumanda ang transformation scene ni Derrick dahil topless siya, kita ang fit na katawan, at ng kanyang abs. Nagkagulo tuloy ang mga bading at girls na may crush kay Derrick.
Ang request nila, marami pang topless scene ni Derrick o kaya’y lagi siyang topless ‘pag lumilipad.
