Mga laro ngayon
Araneta Coliseum
5 n.h. -- SMB vs Star
MASUSUKAT ang kahandaan ng San Miguel Beermen at Star Hotshots sa pagsisimula ng kanilang best-of-5 semifinal series sa 2017 OPO-PBA Commissioners Cup ngayon sa Araneta Coliseum.
'Pikon daw?' UAAP fan na nag-dirty finger, agaw-eksena sa San Juan Arena!
Nakamit ng Hotshots ang karapatang makaduwelo ang second seed at nauna nang semifinalist matapos patalsikin ang dating kampeong Rain or Shine sa kanilang best-of-3 quarterfinal showdown.
Magmula nang bumalik ang import na si Ricardo Ratliffe, hindi pa natatalo ang Hotshots. Nataon, huli silang natalo noong Abril 16 sa kamay ng Beermen sa iskor na 103-97.
Nakapagtala ang Star ng pitong sunod na tagumpay pinakahuli ang back -to-back wins kontra Elasto Painters sa katatapos na playoffs.
Matinding tapatan ang inaasahan sa pagitan ng reinforcements ng dalawang koponan na inaasahang mangunguna sa kani-kanilang semifinals campaign,si Charles Rhodes para sa San Miguel Beer at si Ratliffe para sa Hotshots.
(Marivic Awitan)
