NASUGBU, Batangas - Sugatan ang dalawang pulis habang napatay naman ang suspek matapos na mauwi sa engkuwentro ang buy-bust operations ng awtoridad sa Nasugbu, Batangas, kahapon.
Ayon kay Batangas Police Provincial Office (BPP) acting director Senior Supt. Randy Peralta, dakong 10:20 ng umaga nang magsagawa ng operasyon laban sa ilegal na droga ang mga operatiba ng Nasugbu Police sa Barangay Lumbangan.
Napatay sa engkuwentro si Gilbert Cudiamat, alyas “Vino”, habang nabaril naman sa kamay at paa si PO2 Jimmy Ilao, at sa pigi naman ang tama ni PO1 Joseph Martinez.
Kapwa ginagamot na sa ospital ang dalawang pulis.
Lolang bibisita sa City Jail, timbog matapos mahulihan ng ilegal na droga
Ayon sa inisyal na report, nagpaputok umano ang suspek nang maramdamang pulis ang kanyang katransaksiyon sa droga.
Gumanti ng putok ang mga pulis na ikinamatay ng suspek at ikinasugat nina Ilao at Martinez. (Lyka Manalo)
