Naghihingalo ngayon ang isang security guard matapos barilin ng kanyang nakaaway sa tong-its sa Navotas City, nitong Linggo ng hatinggabi.
Dahil sa tinamong tama ng bala sa tiyan, agad isinugod sa Navotas City Hospital bago inilipat sa Tondo Medical Center si Nathaniel Aguilar, 33, ng No. 212 B. Cruz Street, Barangay Tangos ng nasabing lungsod.
Nakatakas naman ang suspek na kinilala lamang sa alyas na “Kenneth”.
Base sa report, bandang 11:15 ng gabi, naglalakad si Aguilar sa kahabaan ng B. Cruz St., Bgy. Tangos nang sumulpot si Kenneth at binaril ang una.
Probinsya
64-anyos, natagpuang patay sa dalampasigan sa Samar
Una rito, nagkasagutan at muntik na umanong magsuntukan sina Aguilar at Kenneth dahil sa sugal kamakailan. (Orly L. Barcala)
