NAUNGUSAN ng National University ang University of the East, 2-1, sa extra innings upang umusad sa Final Four ng UAAP Season 79 softball tournament nitong Linggo sa Rizal Memorial Baseball Stadium.
Naunsiyami ang Lady Warriors sa posibleng pag-iskor habang loaded ang kanilang bases matapos ma-struck out ni pitcher Mia Macapagal ang nakasalang na batter upang giyahan ang Lady Bulldogs sa kanilang ikapitong panalo sa walong laro.
Bunsod nito, humanay ang NU sa reigning six-time champion Adamson University, na naunang nagtala ng 11-2 abbreviated win kontra sa sibak ng Ateneo.
Ang panalo ang ikawalo ng Lady Falcons sa siyam na laban.
'Pikon daw?' UAAP fan na nag-dirty finger, agaw-eksena sa San Juan Arena!
Napanatili naman ng University of the Philippines ang gahiblang tsansang makausad sa Final Four kasunod ng 5-2 paggapi sa University of Santo Tomas.
Iniangat ng Lady Maroons sa 3-6 na marka habang bumagsak naman ang UE sa 4-6.
Sa baseball, ginapi ng namumunong Ateneo ang UP, 4-0, sa simula ng second round para sa ikalimang panalo sa anim na laro.
Tinalo naman ng defending champion De La Salle ang Adamson University, 8-5, habang namayani ang UST kontra NU, 4-3.
Marivic Awitan
