Inaresto ng Quezon City Police District (QCPD) ang 26 na katao na sangkot sa iba’t ibang krimen sa Quezon City, iniulat kahapon.
Sa report ni QCPD Director Police chief Supt. Guilor Lorenzo T. Eleazar, dakong 9:00 ng umaga, matapos makumpiskahan ng patalim ay inaresto sa Barangay Talipapa sina Richard Deloy, 29; at Michelle Ann Hinlo, 21, kapwa residente ng 46 K-9 St., Bgy. West Triangle, Quezon City.
Sila ngayon ay nakapiit sa QCPD-PS3 at nahaharap sa kasong paglabag sa City Ordinance 5121 (concealing of deadly weapon).
Sa kabilang dako, sa Bgy. Martin De Porres, Cubao, dakong 3:00 ng madaling araw inaresto sina Marvin Mananzala, 25; Jun-Jun Bajado, 24; Robert Buenaobra, 20; Raymond Ajote, 21; Fredireck Corvera, 31; at Richard Hemaady, 41, dahil sa pagsusugal.
Sen. Imee sa sinabi ni Tiangco: 'Panahon na para ibasura ang impeachment ni VP Sara'
Kasunod nito, ganap na 3:00 ng madaling araw, inaresto habang nag-iinuman sina Michael Bautista, 19; Angelo Mendoza, 28; Ryan Mago, 18; James Mendoza, 22; Danry Dela Rosa, 21; Erran Camus, 24, dahil sa paglabag sa City Ordinance NC-85, S-89.
Sa Bgy. Pasong Tamo, Quezon City, bandang 4:35 ng hapon, inaresto si Joel Rabanal y Domenden, 58, sa kasong estafa.
Sa Umali St., Bgy. Mariblo, Quezon City, dakong 8:00 ng umaga, inaresto si Roberto Bule, Jr., 41, sa kasong qualified theft.
Inaresto naman ng Masambong Police Station (PS-2) sa kasong frustrated murder si Jason King Arcilla y Mendoza, 24, ng Road 4, Bgy. Project 6, Quezon City.
Bandang 9:20 naman ng umaga, dahil sa tangkang pagnanakaw, ay inaresto ng Galas Police Station (PS-11) si Ericka Montano y Bernardo, 20, ng Sta. Cruz St., Batanes Extension, Bgy. 537, Sampaloc, Maynila.
At nalambat din dahil sa paglabag sa mga ordinansa sina Richmond Cantor y Afable; Delfin Danga y Ladesma, 64; Francisco Mejia y Gamo, 30; Romel Fernandez y Dizon, 54; Leonardo Cardino Sr. y Armesis, 64; Edith Cardino y Coronel, 59; Maria Tumalom y Gandacila, 54; at Jicky Dala y Tilla-in, 39. (Jun Fabon)
