BIBILIS ang pintig ng mga puso sa From The HeART series of activities na magsisilbing pagdiriwang sa sining at pag-ibig ng Araneta Center ngayong Valentine’s season.
Ngayong araw, simula 4 PM ay haharanahin ang mallgoers ng Pinoy Boyband Superstars finalists na sina Miko Juarez, Markus Paterson at Allen Cecilio sa Ali Mall activity area. Tatlong lucky fans nila ang pipiliin para makibahagi sa Heart Cupid’s Dating Game at isasama ang winning ladies sa isang romantic dinner date sa Novotel Manila Araneta Center.
Bukod sa pagpapalaganap ng pag-ibig, itatampok din ng Araneta Center ang art and creativity dahil ang Pebrero ay kinikilala rin bilang National Arts Month. Nitong nakaraang Miyekules, inilunsad ang From the HeART sa pamamagitan ng eksklusibong ‘Love Art Workshop’ sa Gateway Gallery sa Gateway Mall.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Naging makahulugan ang event na itinanghal sa pakikipagtulungan sa J. Amado Araneta Foundation sa paglahok ng mahigit 20 hearing-impaired and differently-abled kids mula sa Maria Lena Buhay Memorial Foundation, Inc. at ng Philippine Association for Citizens with Developmental and Learning Disabilities, Inc. (PACDLD). Ipinakita ng mga bata sa nakakatuwang art session ang kanilang sariling interpretasyon sa pag-ibig. Ang kanilang mga likha ay itatanghal sa Love Wall ng gallery hanggang Pebrero 20.
Samantala, bukas (Linggo, Feb. 12), magkakaroon naman ng concert ang young pop performers na PPOP Generation sa New Farmers Plaza simula 12 PM.
Haharanahin din ang mallgoers ng iba’t ibang acoustic artists ngayong pre-Valentine’s Day weekend, Pebrero 11 at 12 saka 14, sa activity areas ng Ali Mall, Gateway Mall, at New Famers Plaza. Itatayo rin ang isang romantic swing para sa lovers na nais mag-selfie, habang namimigay ng mga bulaklak ang roving musicians sa lady shoppers.
Sa Valentine’s Day, 7 PM, may powerful readings ng love poems ang members ng Words Anonymous sa Gateway Mall activity area. Bilang karagdagang sweet treat para sa lahat, magiging special guest sa event ang OPM artist na si Noel Cabangon at ang iba pang surprise guests.
Maaaring alamin ang updates sa Love Month Celebration ng Araneta Center sa www.aranetacenter.net at sa kanilang social media pages.
