PAGKARAAN ng ilang linggong espekulasyon sa relasyon nina Kim Kardashian at Kanye West, lumabas na uling magkasama ang mag-asawa noong Linggo para mag-dinner sa Giorgio Baldi restaurant sa Santa Monica.
Ito ang unang public outing ng dalawa, na bihirang nakuhanan ng litrato simula nang manakawan ang reality star sa Paris at nang maospital ni West dahil sa labis na pagkahapo.
Nakasuot si Kim Kardashian, 36 anyos, ng puting top at pants na may fur coat, at si West, 39, naman ay nakasuot ng sweatpants at t-shirt.
“Kim and Kanye enjoyed an early dinner,”kuwento sa People ng nakasaksi sa mag-asawa. “It was just the two of them.”
Pagpapakasal dahil lang sa anak, 'di bet ni Janella Salvador
Kumain ng pasta, ayon sa isa pang saksi, at bagamat hindi sila “affectionate,” “very friendly” sina Kim at Kanye at parehong masigla.
“They both seemed very relaxed,” saad ng isa pang saksi. “Kanye helped Kim with her coat and her chair. Kanye also chatted with the waiters. He was very friendly and seemed happy. Kim was more quiet. She looked stunning.”
Naging usap-usapan ang relasyon ng dalawa, ngunit sinabi ng source sa People na “splitting is not even a point of discussion.”
“Truly no truth behind divorce rumors. It’s not something she would divorce him over,” ani source, dagdag pa “He had a breakdown, but it does not pertain to them not getting along.”
