Nagtala ng kabuuang 12 match points ang 11th seed Manny Pacquiao Chess Friends upang sorpresang angkinin ang korona sa team blitz ng 2016 Inter-Commercial Inter-Government Individual/Team Blitz and Rapid Chess Championships nitong Sabado sa Makati City Hall.
Dinaig ng MPCF squad nina National Master Hamed Nouri, Sherwin Tiu, Ricardo Batcho at dating Philippine Basketball Association player Zaldy Realubit ang kabuuang 50 karibal sa dalawang araw na torneo.
Naiuwi ng apat na player na regular na nakakalaro ni 8-division world boxing champion at reigning World Boxing Organization welterweight king Sen. Manny Pacquiao ang trophy, gold medal at P10,000 cash prize.
Iginawad ang premyo nina Artillery Foundation of the Philippines, Inc. officials Col. Emmanuel Martin (secretary general) at Col. James Ramon, Sr. (board member) at National Chess Federation of the Philippines executive director Grandmaster Jayson Gonzales.
Akari Sports wala pang balak pasukin ang PBA
Nagtulak ng anim na panalo at isang draw ang MPCF sa pagprimera dahil sa bentaheng isang buong puntos kontra No.7 seed Far Eastern University Manila-A nina Woman GM Janelle Mae Frayna, Andrea Blanca de Vera, Jeth Romy Morado at Romy Fragon.
Pangatlo ang No. 9 seed Apocalypse Chess Team nina International Master Ronald Bancod, Chester Caminong, Christopher Rodriguez at Paul John Lauron.
Lumagapak lang sa 31st place ang GM Oliver Dimakiling-led 29th seed Team Orbe, nasa 49th spot ang ginabayan ni GM Ronald Dableo na 17th seed Acxent Class B at ang pinamunuan ni GM Darwin Laylo na fifth seed Acxent Glass A.
(Angie Oredo)
