ROSALES, Pangasinan – Labinsiyam sa 36 na hepe ng pulisya sa Isabela ang sinibak sa puwesto dahil sa kabiguang maayos na ipatupad ang kampanya kontra droga, at inaasahang madadagdagan pa ang mga ito sa isinasagawang performance evaluation sa buong Police Regional Office (PRO)-2.
Ayon kay Supt. Ronald Laggui, public information officer ng Isabela Police Provincial Office, ang relieve order ay galing sa PRO-2 headquarters batay sa resulta ng performance evaluation kaugnay ng pagpapatupad ng Project Double Barrel ng pulisya.
Kabilang sa mga sinibak sa puwesto sina Senior Insp. Alex Orbillo (Luna), Senior Insp. Rolando Gatan (San Agustin), Chief Insp. Edgar Pattaui (Reina Mercedez), Senior Insp. Sherwin Concha (Naguilian), Senior Insp. Reynaldo Baggayan (San Pablo), Senior Insp. Mariano Marayag (Quirino), Senior Insp. Ruel Meña (Delfin Albano), Senior Insp. Noriel Lacangan (Cabatuan).
Sibak din sa kani-kanilang tungkulin sina Senior Insp. Lord Wilson (San Isidro), Chief Insp. Jayson Cabauatan (Cabagan), Chief Insp. Benny Asuncion (Tumauini), Chief Insp. Jeffey Taposas (Sta. Maria), Chief Insp. Charlemaigne Tabije (Mallig), Senior Insp. Anglelito Ramirez (Burgos), Senior Insp. George Maribbay (Gamu), Chief Insp. Remelvin Dungca (San Guillermo), Senior Insp. Danny Alingog (Angadanan), Chief Insp. Santos Tecbobolan (Alicia), at Senior Insp. Jose Torrijos (Benito Soliven).
15-anyos na dalagita, patay matapos umanong gahasain ng 13 lalaki
Sinabi naman ni Supt. Chavalier Iringan, tagapagsalita ng PRO-2, na posibleng bukas, Nobyembre 21, na isapubliko ang mga pangalan ng iba pang hepe sa Region 2 na sinibak sa puwesto. (Liezle Basa Iñigo)
