Isang miyembro ng Abu Sayyaf Group (ASG) ang sumuko sa mga operatiba ng Joint Task Force Basilan nitong Huwebes ng hapon.
Dakong 3:00 ng hapon nitong Huwebes nang kusang sumuko sa military si Murajin Salahudin, alyas “Mimie”, miyembro ng grupong pinamumunuan nina Furuji Indama at Radzmil Janatul ng Abu Sayyaf.
Sinabi ni Army Major Filemon Tan, Jr., tagapagsalita ng Armed Forces of the Philippines-Western Mindanao Command (AFP-WestMinCom), na sumuko si Salahudin sa mga tauhan ng 64th Infantry Battalion sa Barangay Tumahubong, Sumisip, Basilan.
Ayon kay Tan, isinuko rin ni Salahudin sa militar ang isang Garand rifle na may mga bala.
Probinsya
Tinatayang 132,000 pamilya, lumikas sa Eastern Visayas dahil sa super typhoon Pepito
Nakapiit ngayon si Salahudin sa 64th IB sa Sumisip. (Francis T. Wakefield)
