Pinalitan ni Ruben Garcia si Ramiro Roblen ng Mexico bilang karibal ni Filipino WBO No. 8 ranked featherweight Mark ‘Magnifico’ Magsayo sa main undercard ng Donnie Nietes-Edgar Sosa WBO Inter-Continental flyweight championship sa Setyembre 24 sa StubHub Center sa Carson, California.
“Ruben Garcia’s team informed ALA Promotions that their fighter got injured late last week,” pahayag ni ALA Promotions PR manager Chelna Locaylocay.
Idedepensa ni Magsayo (14-0-0, 11KO) ang kanyang WBO International featherweight title kontra kay Garcia na may ibibidang karta na (13-5-1, 8KO).
Galing si Magsayo sa impresibong 6th round TKO kontra dating world title challenger Chris Avalos ng Lancaster, California nitong Abril 23 sa Cebu City.
'Aapela raw!' John Amores 'di tanggap pagkawala ng professional license?
Matikas din si Garcia mula sa panalo kontra Gregorio Perez ng Guasave, Mexico para sa 7-4-0, tampok ang anim na knockout.
Mapapanood din sa Nietes fight card ang rematch sa pagitan nina WBO No. 1 ranked bantamweight ‘King’ Arthur Villanueva at Juan ‘El Pineta’ Jimenez para sa WBO Asia-Pacific bantamweight title.
Tinaguriang ‘Philippines vs Mexico’, sasabak din sina Joel Sapnio ng San Leandro, CA kontra Isaac Freeman ng Los Angeles, CA sa six-round junior middleweight; Cesar Hernandez kontra Martin Murillo ng Los Angeles, CA, four-round junior middleweight; Ben Garcia ng New York kontra Latorie Woodberry ng Roanoke, Virginia, 4 rounds junior welterweight.
