Sa Hay, Bahay! ngayong Linggo, masusubukan ang pagbabayanihan sa tahanan ng Yaptinchay. Dahil matagal nang pinapangarap ni Sikat (Wally Bayola) na maging kilalang komedyante, sasali siya sa audition sa isang comedy bar.
Paghahandaan niya itong mabuti at susubukang mag-perform sa harap ng mga kasama sa bahay pero iiwasan siya ng lahat dahil hindi sila natatawa sa mga banat niya.
Madidismaya si Sikat na hindi na siya makakasampa ng stage, lalo pa nang malaman niyang nakalimutan ni Lav (Ai-ai delas Alas) ang tungkol sa nasabing audition. Hindi rin natutuwa ang manager sa mga banat niya kaya papayuhan siyang mag-ensayo pa sa harap ng maraming tao. Makikita naman ni Mael (Jose Manalo) na nagsisikap si Sikat kaya tutulungan siya nito.
Anong tulong kaya ang gagawin ni Mael kay Sikat? Masuportahan kaya ng bahay Yaptinchay ang kanyang pangarap? Subaybayan ang episode ngayong Linggo pagkatapos ng 24 Oras Weekend.
