Nagtala nang magkasunod na panalo ang Sportswriters at Bangko Sentral ng Pilipinas (BSP) nitong Biyernes para higpitin ang kapit sa liderato sa ginaganap na 2016 Friendship Cup - Para Kay Mike Basketball for a Cause Tournament sa makasaysayang Rizal Memorial Coliseum.
Binigo ng Sportswriters ang Poker King Club, 88-79, bago nito nailusot ang mahigpit na 88-80 panalo sa PAGCOR para sa 3-1 karta at solong hawakan ang liderato ng torneo na hangad makapagkalap ng pondo para kay sportswriter Mike Lee.
Binigo naman ng BSP ang Philippine Sports Commission, 94-52, bago pinigilan ang Full Blast Digicomms, 93-89, upang iangat ang karta sa 2-2.
Nahulog ang Poker King Club at Full Blast Digicomms sa 3-2 karta, habang nasa likod nito ang BSP at PAGCOR na kapwa may 2-2 marka. Nasa ikaanim ang PSC na may 2-3 karta, kasunod ang Sports TV5 na may 1-2 rekord at ang Sports Photogs (0-1).
'Pikon daw?' UAAP fan na nag-dirty finger, agaw-eksena sa San Juan Arena!
Ang torneo ay isinasagawa para maipagpatuloy ang pagpapagamot ni Lee.
Walong koponan ang kasali sa torneo na suportado ng F2 Logistics Cargo Movers at SportsCORE, kasama ang bagong pamunuan ng Philippine Sports Commission sa liderato ni Chairman William “Butch” Ramirez. - Angie Oredo
