Independent Senate, maaasahan ng publiko—Sen. Koko

By Balita Online

June 08, 2016

In BALITA

Tiniyak ni Sen. Aquilino “Koko” Pimentel III na mananatiling independent ang Senado sakaling siya ay mauupo na bilang susunod na pangulo ng Senado.

Si Pimentel ang nag-iisang miyembro ng PDP-Laban, ang partidong nagdala kay incoming President Rodrigo Duterte nitong nakaraang May 9 elections, sa Senado.

Nagkasundo ang kampo ni outgoing Senate President Franklin Drilon ng Liberal Party (LP) at Sen. Vicente Sotto III, ng Laban ng Demokratikong Pilipino (LDP), na si Pimentel na ang susunod na pangulo ng Mataas na Kapulungan.

Unang pinuntirya si Senator Alan Peter Cayetano, running mate ni Duterte sa May 9 elections, na maupo bilang senate president subalit bigo itong makakalap ng sapat na puwersa upang masungkit ang posisyon.

Si Drilon ang magiging senate pro tempore, habang tatayo naman bilang majority leader si Sotto.

Si Cayetano ay suportado ng mga bagong halal na senador na sina Manny Pacquiao at Juan “Migz” Miguel Zubiri.

Sa magkakahiwalay na pahayag, kinumpirma nina Sotto, Drilon, at Pimentel ang kasunduan para maupo si Pimentel bilang senate president matapos makakalap ng suporta mula sa 17 senador.

Sinabi naman ni Pimentel na pormal niyang sasabihin kay Duterte ang napagkasunduan ng kanyang mga kabaro at aanyayahan niya rin si Cayetano na sumapi sa kanyang “super majority coalition.” (Leonel Abasola)

PRO3, nilinaw pagkaaresto sa mga Aeta sa Mt. Pinatubo

Nagbigay ng paglilinaw ang Police Regional Office - 3 kaugnay sa pagkakadakip sa ilang Aeta na nagsagawa ng protesta Mt. Pinatubo crater noong Abril 18.Sa Facebook post ng PRO3 nitong Biyernes, Abril 26, ang pag-aresto umano nila sa mga Aeta ay nakabatay sa paglabag sa “public passage and unauthorized entry into an environmentally protected area.”“Ang lahat ng aksyon na isinagawa ng ating...

Pope Francis, tinig ng awa, habag, at pag-asa —Pangilinan

Nagbigay ng pagpupugay si dating Senador Francis “Kiko” Pangilinan kay Pope Francis na pumanaw noong Lunes, Abril 21.Sa X post ni Pangilinan nitong Sabado, Abril 26, inilarawan niya ang Santo Papa bilang “tinig ng awa, habag, at pag-asa.” Aniya, “Sa panahon ng matitinding pagsubok at kaguluhan sa mundo, siya ang naging tinig ng awa, habag, at pag-asa.” “Sa kanyang pamumuno, ating...

9-anyos na bata, patay matapos makuryente ng tinatayang 20 minuto

Patay ang isang 9 na taong gulang na batang lalaki matapos umano siyang makuryente nang akyatin ang isang gate sa bakuran ng kapitbahay.Ayon sa mga ulat, iginiit umano ng lola ng biktima na naglalaro lang daw ang kaniyang apo nang mangyari ang aksidente.Samantala, isang netizen din ang inulan ng batikos matapos umano nitong i-live sa Facebook ang nangyayari sa biktima. Tinatayang tumagal din...