CABANATUAN CITY - Labing-isang oras na mawawalan ng kuryente sa ilang bahagi ng Pampanga at Nueva Ecija ngayong Huwebes, Hunyo 9.
Ayon kay National Grid Corporation of the Philippines (NGCP) Central Luzon Communications & Public Affairs Officer Ernest Lorenz Vidal, simula 7:00 ng umaga hanggang 6:00 ng gabi ay mawawalan ng kuryente sa dalawang lungsod at 10 bayan sa dalawang lalawigan.
Dahil sa preventive maintenance ng NGCP, magkaka-brownout sa Pampanga maliban sa Floriblanca, at sa Jaen, San Isidro, San Antonio at Cabiao sa Nueva Ecija. (Light A. Nolasco)
Probinsya
