CABIAO, Nueva Ecija - Tinutugis ngayon ng tracker team ng Cabiao Police ang isang 36-anyos na personal aide ng re-electionist na alkalde ng Arayat, Pampanga makaraang aksidente nitong mabaril ang dalawang batang pamangkin habang nakikipag-inuman sa Barangay Sinipit sa bayang ito, noong Lunes ng hapon.
Ayon sa Cabiao Police, tumakas si Arnel Alfaro, ng Purok I, Bgy. Sinipit, makaraang mabaril sina Vincent Alfaro, 7; at Jennilee Alfaro, na tinamaan ng bala sa kaliwang hita at paa.
Sa inisyal na imbestigasyon, dakong 3:00 ng hapon at nakikipag-inuman ang suspek sa bahay ng isang Amang Alfaro nang bigla niyang binunot ang baril sa sariling beywang at pinaputok, pero aksidenteng natamaan ang mga biktima.
(Light A. Nolasco)
Probinsya
