Patay ang isang lalaki makaraan siyang gilitan at halos mapugutan na ng sarili niyang ama sa Naguilian, Isabela, iniulat ng pulisya kahapon.
Ayon sa Naguilian Municipal Police, nangyari ang krimen nitong Huwebes ng hapon sa Barangay Flores, Naguilian.
Sinabi ng pulisya na tinaga at halos mapugutan si Leo Baquiring, 33, may asawa, magsasaka, ng kanyang amang si Oscar Baquiring, 54, ng Bgy. Flores, Naguilian.
Batay sa imbestigasyon, nabatid na nagkaroon ng mainitang pagtatalo ang mag-ama kaugnay sa lupang sinasaka ng anak.
OFW na hinoldap, inundayan ng saksak sa terminal sa Maynila, nakauwi na ba sa pamilya?
Nais ng ama na bawiin ang lupang ipinasasaka sa anak dahil hindi ito namamahagi ng ani sa kanya.
Nagalit umano si Leo at nagbantang magkakamatayan sila kapag binawi ng ama ang sinasaka niyang lupa.
Dahil dito tinaga ng ama ang biktima sa leeg habang nakahiga ito sa isang duyan.
Kusa namang sumuko sa pulisya ang suspek, na nahaharap sa kasong parricide. (FER TABOY)
