House Committee on Justice, inisyuhan ng subpoena ang COA!-Balita

House Committee on Justice, inisyuhan ng subpoena ang COA!

By Mc Vincent Mirabuna

April 07, 2026

Naglabas ng subpoena ang House Committee on Justice sa Commission on Audit (COA) kaugnay sa confidential funds ni Vice President Sara Duterte nang maging Kalihim siya ng Department of Education (DepEd).

Ayon sa liham na may 10 pahinang ipinadala ng House Committee on Justice sa COA nitong Abril 7, 2026, sinabi nilang nakabase sa mga beripikadong impeachment complaints na inihain nina Reverend Father Joel Saballa, et al., na inendorso ni Mamamayang Liberal (ML) Partylist Rep. Leila de Lima, at ni Atty. Nathaniel Cabrera na inendorso nina Rep. Bienvenido Abante at Rep. Paolo Ortega laban kay VP Sara ang pag-iisyu nila ng subpoena.

Humiling ang House Committee on Justice na mahingi ang lahat ng tala ng submission sa COA sa liquidation ng confidential funds ni VP Sara sa 4th quarter ng 2022, 1st quarter ng 2023, 2nd quarter ng 2023, at 3rd quarter ng 2023.

Pinadadalo rin ng House Committee on Justice si State Auditor V Atty. Gloria Camora na siyang auditor umano ng Commission on Audit’s Intelligence and Confidential Funds Audit Office (COA-ICFAO).

Ang COA-ICFAO ang may kustodiya sa lahat ng mga dokumento ng Office of the Vice President (OVP) at sa disposisyon ng DepEd sa kanilang confidential funds noong mga taong 2022 at 2023.

“You are hereby directed to appear before the Committee on Justice on April 14, 2026, 10:00 A.M. at the 2nd floor of the People Center, House of Representatives, to submit the following documents at least five (5) working days prior to the said hearing,” anang House Committee on Justice kay Camora.

Anila, mahalaga ang testimonya ni Camora upang patotohanan o masuri ang mga hinihingi nilang confidential funds records ni VP Sara noon.

“Her testimony is needed to identify and authenticate the requested documents,” saad nila.

Samantala, habang sinusulat ito, wala pa namang inilalabas na tugon o pahayag ang COA kaugnay rito.

KAUGNAY NA BALITA: Ombudsman Remulla, ibabala para maisumite SALN ni VP Sara sa House Committee on Justice

KAUGNAY NA BALITA: ALAMIN: Paano nga ba umaarangkada ang impeachment process sa Kamara at Senado?

Suspek sa genocide na nililitis sa international court sa The Hague, patay na!

Pumanaw na ang isa sa mga pangunahing suspek sa 1994 Rwandan genocide na si Felicien Kabuga habang nahaharap sa paglilitis sa international court sa The Hague, Netherlands, ayon sa mga ulat ng international news outlets. Kinumpirma ng International Residual Mechanism for Criminal Tribunals ng United Nations (UN) na namatay si Kabuga sa isang ospital noong Sabado, Mayo 16, na nasa edad 90. Si...

35 Pinoy sa Qatar, ligtas nang nakauwi sa bansa!

Aabot sa 34 na Overseas Filipino Workers (OFWs) at isang dependent mula sa bansang Qatar ang matagumpay nang nakauwi sa bansa, batay sa ulat ng Department of Migrant Workers (DMW). Ayon sa DMW noong Sabado, Mayo 16, ito ay bahagi ng repatriation program ng bansa para sa mga Pilipinong sa kasalukuyan ay nasa Gitnang Silangan. Anang DMW, lulan ang 35 Pinoy ng Qatar Airways Flight QR934 sa Ninoy...

Muling pagkalat ng Ebola disease, isa nang ‘international concern’ – WHO

Itinaas na ng World Health Organization (WHO) bilang “public health emergency of international concern” ang muling pagkalat ng Ebola disease. Batay sa inilabas na pahayag ng WHO nitong Linggo, Mayo 17, batay sa kanilang tala noong Sabado, Mayo 16, ang Ebola disease, na dulot ng Bundibugyo virus, ay mayroon ng walong laboratory-confirmed cases, 246 suspected cases, at 80 suspected deaths,...