Inanunsyo ng Department of Transportation (DOTr) - Metro Rail Transit Line 3 (MRT-3) nitong Miyerkules, Abril 1, na sila ay maghahandog ng libreng sakay para sa mga beteranong Pilipino na bibiyahe mula Abril 6 hanggang 11.
Kaugnay ito sa selebrasyon ng ika-84 anibersaryo ng Araw ng Kagitingan at ng 2026 Philippine Veterans Week.
Ayon sa nasabing anunsyo, maaaring ma-avail ng mga kwalipikadong pasahero ang libreng sakay buong araw at oras ng operasyon ng MRT-3.
“Maaaring i-avail ang libreng sakay sa buong oras ng operasyon sa pamamagitan ng pagpapakita ng Veteran’s ID o anumang valid ID sa station personnel kapalit ng Single Journey Ticket (SJT),” saad ng DOTr - MRT-3.
“Pinapayagan din ang bawat beterano na magsama ng isang (1) aide o companion,” dagdag pa nila.
“Ang inisyatibong ito ay pagkilala sa sakripisyo at kabayanihan ng ating mga beterano para sa kalayaan ng bansa,” pagtatapos nila.
Castro, kinudang si Bato lang nakinabang sa gulo sa Senado!
Photo courtesy: DOTr MRT-3/FB
